وهيه حكاية شاب وسيم عمره بين 22 و23 ولا يعرف عن الحب شي
ولا مره بحياته حاول انه يعرف شي عن الحب
له طله مقبلوه واللي يشوفه على طول يحبه
سافر والله وفقه بوظيفة بس بعيد عن منطقة أهله اللي ساكن فيها بس زيارات البنات علي المكان هذا كثيرة
وبيوم جاءت وحده ودخلت المكان الذي يعمل به وشافت الشاب هذا فأعجبت فيه و أخذت رقم المحل لأنه موجود على اللوحة برا ويوم راحت للبيت اتصلت عليه وحاولت تحتك فيه بالكلام بس حست أسلوبه جاف شوي وما قدرت تأخذ وتعطي معه
وصار كل يوم الساعة 11 المساء تتصل عليه على شان تتعرف أكثر عليه
وتتكلم معاه وهو ما يعرف شو يقول بس يسمع ويقول إيه
ومضت الأيام على الطريقة هذي تشجع مره وسألها أنتي شوالهدف من مكالماتك هذي ولوين بدك توصلين هي جاوبت على طول لأنها منتظره السؤال هذا قالت بدي أوصل لقلبك
قال : طيب آنا ما اعرف شي عن الحب ولا حتى اعرف أتكلم فيه ولا افهم لغته
قالت :أنا بعلمك على أيديني وأخليك فيلسوف حب
المهم طالت المحادثة وجاءت أيام وراحت أيام وعلى الطريقة هذي
الى ان وقع هذا الشاب بالحب واحب تلك الفتاة من كل قلبه لدرجه انه صار ما يقدر ينام الليل من كثر التفكير فيها وكل أصدقاءه صاروا يحسون انه متغير ولا يأكل ونحف وصار يفكر كثيرومن شكله مبين انه حب وخلاص أعلى مراحل الحب وصل
دارت الأيام ومرت سنه على الطريقة هذي ، واتصل عليها بيوم وكان مزعوج قال لها :أنتي شفتيني وشفتي شكلي وعرفتي أسلوبي وصار لنا سنه الحين ولا شفتك ولا حتى شفت صورتك قالت له :انتظر شوي اظبط وضعي وأخليك تشوفني
قال : لا ..لا.. لازم أشوفك وما راح اسكر قبل ماتوعديني متى ؟
قالت : طيب الخميس الجاي راح نطلع للمكان الفلاني نتقابل هناك والكلام هذا كان يوم السبت
تخيلوا الانتظار كيف راح يكون من يوم السبت الى يوم الخميس أصعب لحظات عمره كان مقضي يومه كله نوم على شان بسرعة الأيام تمشي
وصل يوم الأربعاء وبدا يفكر :
كيف راح يكون شكلها طويلة قصيرة بيضا سمره نحيفه دبدوبه حلوه مثل ما هو راسمها بخياله ؟
كان يفكر بكل شي
واتصلت عليه يوم الخميس قالت له : يالله طالعين وسيارتنا كذا شكلها ولونها كذا ورقم اللوحة كذا
قال : تمام .. اسمعي آنا كل الطريق بدي اطلب منك انك كل دقيقتين ترنيلي على جوالي على شان أحس انك معاي موجودة ووبعرف انك ما تقدرين تكلمين لأن اهلك معاك صعبه بس اقل شي كل دقيقتين بترنيلي على جوالي
قالت :اوكي
تحركت السيارة وهو حرك بعدها على طول وكل دقيقتين تجيه رنة على الجوال الى ان انقطعت الرنات اكثر من عشر دقايق
ماقدر يصبر أرسل رسالة ولا ردت عليه تردد بالاتصال تردد و تردد كثير ما يدري يتصل آو يخاف يحرجها مع ا هلها
المهم قرر ودق على جوالها وفجأة مر من جنبه سيارة إسعاف متجهة بنفس الطريق اللي هو يمشي فيه أسرع ورا السيارة وخلى الجوال يدق ( معاودة الاتصال آليا ) المهم وصل شاف حادث اكثر من مرعب
عائله كاملة يمين الخط منتثرة فيها أربع بنات ورجل عجوزكلهم حالتهم وإشكالهم ميئوس منها بشكل خيالي
وفجأة نظر الى السيارة وكانت الصدمة انها
هي نفس السيارة ونفس اللوحة ونفس اللون بس كيف راح يعرفها بين البنات الأربع وهي ما وصفت له حتى شكلها نزل مع اللي نزلوا يشوف بقايا حلمه وبقايا أمله صار ينظر يمين و يسار ولكن حتى لو شافها ما راح يعرفها
الى ان سمع صوت جوال يرن حاول يتبع الصوت فوجد وحده من البنات ماسكه الجوال ويرن بيدها وهي شبه ملطخه بالدم ومافي آمل من إنها تعيش آلا بعد إذن الله
شاف اسم المتصل بجوالها مكتوب !!!!! ( أمل عمري)
قال : يمكن هذي وحده من صديقات البنت هذي لكن بدون شعور رفع الجوال ونظر للاسم اللي هـــــو ( أمل عمري ) وفتح الرقم وكانت الصدمة انه شاف رقم جواله الرقم لقاه رقمه ولقا اسمه مكتوب أمل عمري
وكان الجوال مع بنت كان الجمال ما أنخلق لغيرها بس للآسف فارقت الحياة
فانهار واغميى عليه ونقلوه معاها الى المشفى ولكن هيه انتقلت الى رحمة الله وهوه عاش ولكن ماتت الفرحة بعدها
وانقلبت اسعد لحظات عمره بثواني إلى أتعس أيام العمر
واصبح كل سنة وبنفس اليوم يسافر للمنطقة ويمر بنفس المكان ويجلس فيه ساعة ويرجع لمنطقته
لقد أحبها بدون مايشوفها وماتت يوم شافها000
منقولة
أرجو أن تقرؤوا موضوعي وأنا بانتظار الرد
موضوع: قصة رومانسية لكنها حزينة جدا جدا 
23/8/2007, 1:25 pm
